விபசாரியாக தொழில்புரியும் வெள்ளிப்பதக்கம் வென்ற ஜிம்னாஸ்டிக் வீராங்கனை!

ஐரோப்பிய ஜிம்னாஸ்டிக் போட்டிகளில் பதக்கம் பெற்ற ருமேனிய முன்னாள் ஜிம்னாஸ்டிக் வீராங்கனையொருவர் தற்போது விபசாரியாக தொழில்புரிந்து வருகிறார்.

புளோரிக்கா லியோனிடா எனும் இந்த ஜிம்னாஸ்டிக் வீராங்கனை 1987 ஜனவரியில் பிறந்தவர். ருமேனியாவின் சார்பில் ஏராளமான போட்டிகளில் பங்குபற்றியவர். புளோரிக்காவின் நண்பர்கள் அவரை புளோரியா எனவும் அழைக்கின்றனர்.

2002 ஆம் ஆண்டு நடைபெற்ற கனிஷ்ட ஐரோப்பிய சம்பியன்ஷிப் போட்டிகளில் ஒரு தங்கப் பதக்கத்தையும் மூன்று வெள்ளிப் பதக்கங்களையும் வென்று சர்வதேச கவனத்தை ஈர்த்த புளோரிக்கா 2003 ஆம் ஆண்டு அமெரிக்காவில் நடைபெற்ற உலக ஜிம்னாஸ்டிக் போட்டிகளிலும் வெள்ளிப் பதக்கம் வென்றார்.

2006 ஆம் ஆண்டு நடைபெற்ற ஐரோப்பிய சம்பியன்ஷிப் போட்டிகளிலும் அவர் வெள்ளிப் பதக்கத்தை வென்றார்.

ஆனால், ஜிம்னாஸ்டிக் போட்டிகளிலிருந்து ஓய்வு பெற்றபின்னர் புளோரிக்கா லியோனிடாவின் வாழ்க்கை சோதனைக்குள்ளானது.



அதன்பின் ஜிம்னாஸ்டிக் பயிற்றுநராக பணியாற்ற ஆரம்பித்தார். ஆனாலும் அதில் நிலைக்கவில்லை. இறுதியில் ஜேர்மனியில் விபசாரியாக அவர் தொழில்புரிய ஆரம்பித்தார்.

தற்போது 27 வயதாகும் புளோரிக்கா, பாலியல் தொழில்துறையில் பல்வேறு பெயர்களில் செயற்பட்ட பின்னர் ஜேர்மனிக்கு அருகிலுள்ள ஆஸ்தியாவுக்கு இடம்பெயர்ந்தார். தற்போது ஆஸ்திரிய தலைநகர் வியன்னாவிலுள்ள விபசார விடுதியொன்றில் பாலியல் தொழிலாளியாக புளோரிக்கா செயற்படுகிறார்.




அவர் பணியாற்றிய விபசார விடுதியின் இணையத்தளத்தில் புகைப்படத்துக்கு கண்களை மறைத்தவாறு போஸ் கொடுத்திருந்தார் புளோரிக்கா. ஆனாலும், ருமேனிய ஊடகங்கள் அவரை இனங்கண்டு செய்திகளை வெளியிட்டன. தற்போது அவர் மற்றொரு பெயரில் இயங்குகிறார்.

ஓர் இரவில் 5,6 வாடிக்கையாளர்களை புளோரிக்கா பெறுகிறாராம். ஜேர்மனியில் அவர் வாராந்தம் 7,000 முதல் 8,000 யூரோவை சம்பாதித்தாகவும் ஆனால், ஆஸ்திரியாவில் அவரின் வருமானம் இதைவிட குறைவாகவே இருக்கும் எனவும் கூறப்படுகிறது.



தனது வருமானத்தில் அரைப்பங்கை ருமேனியாவிலுள்ள தனது குடும்பத்தினருக்கு புளோரிக்கா அனுப்புகிறார். மிகுதியை தனது தேவைகளுக்கு அவர் செலவிடுகிறார். வழக்கமாக ஆஸ்திரிய தலைநகர் வியன்னாவில் ஒருவாரம் தங்கியிருந்தல் அடுத்த வாரம் லின்ஸ் நகருக்கு சென்று விடுவாராம்.

அதற்கடுத்த வாரம் வில்லாச் நகருக்கு செல்வார். பின்னர் மீண்டும் வியன்னா நகருக்குசெல்வாராம். இப்படியே போகிறது புளோரிக்காவின் வாழ்க்கை.

ஜிம்னாஸ்டிக் விளையாட்டில் சர்வதேச பதக்கங்கள் பலவற்றை வென்ற ஒரு வீராங்கனை விபசாரியாக செயற்படும் நிலைக்குத் தள்ளப்பட்டிருப்பது பரிதாபம்