கடன் பெற்றேனும் கல்வியை தொடர முயற்சிப்பதே மாணவர்கள் பலரது எண்ணமாக இருக்கும். ஆனால் மாணவர்களுக்கான கல்விக் கடனைப் பெற்ற மாணவி ஒருவர் அழகுக்காக மார்பக சத்திர சிகிச்சை மேற்கொண்டுள்ளார்.
இங்கிலாந்தின் எஸெக்ஸ் பல்கலைக் கழகத்தில் இளமானிப் பட்டம் படிக்கும் கத்தரினா கிறிஸ்டொடூலோ என்ற 21 வயது மாணவியே கல்விக் கடனில் மார்பக சிகிச்சை செய்துகொண்டவராவார்.
கல்விக் கடனாக கத்திரினா 10 ஆயிரம் பவுண்களை (சுமார் 22 இலட்சம் ரூபா) அண்மையில் கடனாகப் பெற்றுள்ளார். ஆனால் அத்தொகையினை கல்விக்கு செலவிட்டு அறிவை அதிகப்படுத்துவற்கு பதிலாக தனது உடல் அழகை சத்திர சிகிச்சையின் மூலம் அதிகப்படுத்த தீர்மானித்துள்ளார் கத்தரினா.
இதற்கு அவரது பெற்றோரும் காதலரும் ஆதரவு தெரிவித்துள்ளனர். இதனையடுத்து காதலன் வழங்கிய தொகையுடன் சேர்த்து மார்பு மற்றும் புட்டத்தை அழகுபடுத்தும் சத்திர சிகிச்சைகளை மேற்கொண்டுள்ளார்.
தற்போது இளமானிப் பட்டம் படிக்கும் கத்தரினா பயிற்சி சட்டத்தரணியாவும் உள்ளார். ஆனால் அத்தொழிலிருந்து விலகி தற்போது மொடலாக மாறியுள்ளார்.
'எனது இயற்கை உடலை நான் வெறுக்கிறேன். அதனாலேயே இவ்வாறு செய்தேன். இது பலருக்கு ஆச்சரியமாக இருக்கும் என்பது எனக்குத் தெரியும். ஆனால் முன்னரை விட தற்போது நான் பல மடங்கு தன்னம்பிக்கையுடன் இருப்பதாக உணர்கிறேன்' என கத்தரினா தெரிவித்துள்ளார்.
மார்பகத்தையும் புட்டத்தையும் அழகுபடுத்தியுள்ள கத்கரினா தொடர்ந்து தனது மூக்கினையும் சத்திர சிகிச்சை மூலம் அழகு படுத்த திட்டமிட்டுள்ளாராம்.
0 comments
Post a Comment