கான்பூர் புறநகரான ராவத்பூரைச் சேர்ந்த ஷமீம் என்ற சிறுவன் காவல்துறை கட்டுப்பாட்டு அறைக்கு போன் செய்து ராவத்பூரில் உள்ள உப்பு தொழிற்சாலை அருகே குண்டு வெடித்ததாக தகவல் தெரிவித்தான். இதனால் பரபரப்பான போலீசார் அந்த பகுதிக்கு விரைந்தனர். ஆனால் அங்கு எந்த அசம்பாவிதமும் நடக்கவில்லை. இதையடுத்து போலீசார் நடத்திய விசாரணையில் ஷமீம் இந்த தகவலை கொடுத்தது தெரியவந்தது. இதுபற்றி அவனிடம் கேட்டபோது, டி.வி. சீரியலில் வருவதைப்போன்று, போன் செய்தால் போலீசார் சம்பவ இடத்திற்கு உடனடியாக வருகிறார்களா என்பதை பார்க்கவே இவ்வாறு செய்ததாக கூலாக கூறினான். இதனால் அதிர்ச்சியடைந்த போலீசார், அந்த சிறுவனின் பெற்றோர் மற்றும் குடும்பத்தினரை அழைத்து கண்டித்தனர். இதுபோன்று எதிர்காலத்தில் தவறு செய்யக்கூடாது என்று சிறுவனையும் எச்சரித்தனர்.
போலியான தகவல் கொடுத்தது சிறுவனாக இல்லாமல் வாலிபனாக இருந்திருந்தால் நடவடிக்கை எடுத்திருப்போம் என்று போலீஸ் சூப்பிரெண்டு தெரிவித்தார். நாட்டு நடப்புகள் உள்ளிட்ட பல்வேறு நல்ல விஷயங்களை ஊடகங்கள் ஒளிபரப்பினாலும், சில விஷயங்கள் குழந்தைகளின் மனதில் ஆழமாக பதிந்து குழப்பி விடுகின்றன. எனவே தொடர்ந்து டி.வி. பார்க்கும் குழந்தைகளின் செயல்பாடுகளை பெற்றோர் அவ்வப்போது கண்காணிக்க வேண்டியது அவசியம்.
0 comments
Post a Comment