பாகிஸ்தானில் அடையாளம் தெரியாத நபர்களால் சுடப்பட்ட பெண் எம்.பி. இன்று காலை மரணம் அடைந்தார். முத்தாகிதா குவாமி இயக்கத்தைச் சேர்ந்த பாராளுமன்ற உறுப்பினரான தாகிரா ஆசிப், நேற்று முன்தினம் பாராளுமன்ற கூட்டத்தில் கலந்துகொள்வதற்காக தனது வீட்டில் இருந்து இஸ்லாமாபாத்திற்கு புறப்பட்டார். அவரது கார் இக்பால் டவுன் பகுதியில் சென்றபோது, மோட்டார் சைக்கிள்களில் வந்த நபர்கள் துப்பாக்கியால் சுட்டுவிட்டு தப்பிச் சென்றனர்.
இதில் பலத்த காயம் அடைந்த தாகிரா, உடனடியாக மருத்துவமனைக்கு கொண்டு செல்லப்பட்டார். அங்கு தீவிர சிகிச்சை பெற்று வந்த அவர் இன்று அதிகாலையில் மரணம் அடைந்தார். இதுகுறித்து போலீசார் வழக்குப் பதிவு செய்து கொலையாளிகளைத் தேடி வருகின்றனர்.
நிலப்பிரச்சினை காரணமாக இந்த கொலை நடந்திருக்கலாம் என்றும் கூறப்படுகிறது. இதனால் அந்த கோணத்திலும் விசாரணை நடப்பதாக லாகூர் காவல்துறை தலைவர் தெரிவித்தார்.
0 comments
Post a Comment