பருமன் அதிகமாக உள்ள பிரேதத்தை ஆஸ்திரேலியாவில் உள்ள ஆஸ்பத்திரி பிணவறை ஏற்றுக் கொள்ள மறுத்து விட்டதால் இறுதி ஊர்வல ஏற்பாட்டாளர் ஒருவர் தனது காரில் பிணத்தை வைத்துக் கொண்டு சுற்றிய சம்பவம் பரபரப்பை ஏற்படுத்தியுள்ளது. 200 கிலோ எடையுள்ள அந்த பிரேதம் ஆஸ்பத்திரி பிணவறையில் உள்ள குளிர்சாதன பெட்டிக்குள் நுழையாது என்று கூறிய பிணவறை நிர்வாகிகள் ‘அதை’ ஏற்றுக் கொள்ள மறுத்து விட்டனர்.
இதனையடுத்து, இரவு முழுவதும் அந்த ஆண் பிணத்தை தனது காரில் ஏற்றிக் கொண்டு, ‘ஏ.சி.’யை மிக உச்சமாக வைத்தபடி காரை ஓட்டிக் கொண்டே இறுதி ஊர்வல ஏற்பாட்டாளரான அந்த பெண் சுற்ற வேண்டியதாகி விட்டது.
பின்னர், பொழுது விடிந்த பின்னர் கடல் உணவுகளை வைக்கும் ‘ஃபிரிட்ஜை’ வாடகைக்கு எடுத்து, அதன் உள்ளே பிணத்தை கிடத்தி வைத்து பாதுகாத்து உறவினர்கள் வந்து சேர்ந்த பிறகு புதைக்க நேரிட்டதாக ஜோன்னே கம்மிங்க்ஸ் என்ற அந்த பெண் தெரிவித்துள்ளார்.
0 comments
Post a Comment