பாகிஸ்தானின் பிரதமராக பெனாசிர் பூட்டோ பொறுப்பு வகித்தபோது, பலூசிஸ்தான் கோர்ட்டில் அரசு தரப்பு வக்கீலாக பணியாற்றியவர், சகி சுல்தான். அந்நாட்டின் சுப்ரீம் கோர்ட் பார் அசோசியேஷன் உறுப்பினராகவும் உள்ள இவரை பாகிஸ்தான் சுற்றுச்சூழல் தீர்ப்பாய நீதிபதியாக அரசு நியமித்திருந்தது. குவெட்டா நகரில் உள்ள தனது அலுவலகத்தில் இன்று காலை வழக்கம் போல் சகி சுல்தான் பணிகளை கவனித்துக் கொண்டிருந்தார்.
அப்போது உள்ளே நுழைந்த சிலர் அவரை துப்பாக்கியால் சுட்டு விட்டு இரு சக்கர வாகனங்களில் ஏறி தப்பியோடினர். ரத்த வெள்ளத்தில் மயங்கிச் சாய்ந்த சகி சுல்தான் சம்பவ இடத்திலேயே துடிதுடித்து உயிரிழந்தார்.
இந்த படுகொலைக்கு கடும் கண்டனம் தெரிவித்துள்ள பலூசிஸ்தான் வழக்கறிஞர் சங்கம் 3 நாள் துக்கம் அனுசரிக்க உள்ளதாக அறிவித்துள்ளது. இதே போல், அம்மாகாணத்தின் பாகிஸ்தான் மக்கள் கட்சி தலைமையும் 3 நாள் துக்கம் கடைபிடிக்கும்படி கட்சியினரை கேட்டுக் கொண்டுள்ளது
0 comments
Post a Comment