இந்தியாவின் விபசார தலைநகரம் என்றழைக்கப்படும் கொல்கத்தாவின் சோனாகச்சி மற்றும் முன்ஷிகஞ்ச் பகுதியில் பாலியல் தொழில் செய்து பிழைத்து வரும் பெண்களின் பரிதாப வாழ்க்கையை சிறுமிகளாக இருக்கும் அவர்களின் மகள்கள் வீடியோவில் குறும்படமாக உருவாக்கி வருகின்றனர். இதற்கான ஏற்பாடுகளை குழந்தை கடத்தல் கும்பலுக்கு எதிரான ஒரு தொண்டுசாரா அமைப்பு செய்துள்ளது. விருது பெற்ற சினிமா இயக்குனரான அசீம் ஆஷா என்பவர் இதற்கான 4 நாள் பயிற்சிப் பட்டறையை நடத்தி சிறுமிகளுக்கு பயிற்சி அளித்தார்.
இந்த குறும்பட தயாரிப்புக்காக, விபசார தொழிலில் தனது தாய் அனுபவித்து வரும் வேதனைகளை 8 வயது சிறுமி திரைக்கதையாக உருவாக்கியுள்ளார். 14 வயதுள்ள மற்றொரு சிறுமி ஒருவர் படப்பிடிப்பை முடித்து விட்டு, ‘போஸ்ட் ப்ரொடக்ஷன்’ வேலைகளில் மும்முரமாக ஈடுபட்டுள்ளார். சிறு வயதில் கிடைக்கும் இந்த அனுபவத்தை கொண்டு மும்பை திரைப்படத் துறையில் கால் பதிக்க முடியும் என்று இந்த சிறுமியர் நம்பிக்கை தெரிவிக்கின்றனர்.
இந்த குழந்தைகளுக்கு இப்படியொரு வாய்ப்பினை அளிப்பதன் மூலம் இவர்களின் கருத்தையும், குரலையும் சமூகத்துக்கு எடுத்துச் செல்ல முடியும் என்று அந்த தொண்டு நிறுவனத்தின் நிறுவனர் கூறுகிறார்.
0 comments
Post a Comment