அபுதாபியை சேர்ந்த ஒருவர் தனது மனைவிக்கு இன்னொரு நபருடன் கள்ளத் தொடர்பு இருப்பதாக சந்தேகித்து, அவ்வப்போது அவருடன் சண்டையிட்டு, அடித்து, உதைத்து சித்ரவதை செய்து வந்தார். இந்நிலையில், அந்த பெண் கருவுற்றார். அந்த கருவுக்கு கள்ளக் காதலன் தான் காரணம் என்று கருதிய கணவன், கருவை கலைத்து விடும் மனைவியை வற்புறுத்தினார். இதற்கு மறுத்து விட்ட அந்த பெண், ‘இப்படி சந்தேகப்படும் உன்னுடன் சேர்ந்து வாழ்வதை விட, பிரிந்து விடுவதே மேலானது’ என்று நினைத்து அவரிடம் இருந்து விவாகரத்து கோரினார். இதனால் கொதித்துப் போன கணவன், சம்பவத்தன்று மனைவியின் மார்பு மற்றும் கழுத்தில் கத்தியால் குத்திக் கொன்றார்.
பிணத்தை மனைவியின் காரில் ஏற்றிக் கொண்டு ஆள் நடமாட்டம் இல்லாத சாலையில் காரை அனாதையாக நிறுத்தி விட்டு, அபுதாபியில் இருந்து அந்நபர் வெளிநாட்டுக்கு தப்பிச் சென்று விட்டார். கொலையுண்ட பெண்ணின் சகோதரர் போலீசில் அளித்த புகாரையடுத்து, பஹ்ரைன் நாட்டில் கொலையாளி கைது செய்யப்பட்டு அழைத்து வரப்பட்டார்.
அபுதாபி கோர்ட்டில் அவர் மீது நடந்து வந்த விசாரணையில் இறந்த பெண்ணின் குழந்தைகளுக்கு உரிய இழப்பீட்டை (ரத்தப் பணம்) தந்து அவர் சமரசம் செய்துக் கொள்ளலாம் என்று அறிவுறுத்தப்பட்டது. இதை இறந்த பெண்ணின் உறவினர்கள் ஏற்றுக் கொள்ளாததால் குற்றவாளிக்கு மரண தண்டனை விதிக்கப்பட்டது.
இந்த தண்டனையை எதிர்த்து அவர் செய்த மேல் முறையீட்டு வழக்கில் குழந்தைகளுக்கு ஒரு லட்சம் திர்ஹம் இழப்பீடு வழங்கும்படி உத்தரவிட்ட நீதிபதி, மரண தண்டனையை 10 ஆண்டு சிறை தண்டனையாக குறைத்து தீர்ப்பளித்தார்.
0 comments
Post a Comment